السلام عليكم و رحمة الله و بركاته
نقلت لكم امثال و حكم لبنانيه ..., متمنيه ان تنال اعجابكم
[*]أحلى مني ربي خلقه، اشطر مني دمه فلقه:
[*]أكل الهوا لِلْواطي دوا:
[*]ألف دعوة ما مزّقت قميص، وألف زلغوطة ما جوّزت عريس: أ
[*]ألف كلمة جبان ولا كلمة الله يرحمو:
[*]أن جنوا ربعك عقلك ما بينفعك :
[*]إجريها عوج وبدها بابوج:
[*]إجوا يبيطروا خيل السلطان، مدّت الخنفسة إجرها:
[*]إذا كنتِ وحشه كوني نغشه:
[*]إقعد أعوج، وإحكي جالس:
[*]إللي بيأكل خبز السلطان بحارب بسيفو:
[*]إللي بيعوز الكلب بيقول له صبحَك بالخير يا :.
[*]إللي بيكبّر فشختو بيوقع:
[*]إلي ما هو من ضهرك كل ما جن افرحلو:
[*]إن بزقنا لفوق ع شواربنا وإن بزقنا لتحت ع ذقنّا:
[*]يا مأمنة للمَي بالغربال يا مأمنة للرجّال:
[*]إن عجبنا الكحل تكحلنا وإن ما عجبنا ترحلنا:
[*]إن كان الكنافة بيدْخلاّ توم، الموراني بيحب الروم:
[*]ابن الحكومة إذا صادقته أكلك، واذا عاديته هلكك:
[*]ابن الداية ما عليه مخبّاية:
[*]احترنا يا قرعة منين بدنا نبوسك:
[*]إذا بدّك تخرب بلاد، ادْعي عليها بكتر الروس:
[*]إذا قلتلَّك تقبرني بتجيب المجرفة وبتطمني؟:
[*]إذا ما بكي الطفل إمو ما بترضعو:
[*]أربعة بتودي لاربعة العقل للرياسه والرأي للسياسة والعلم للتصدير والحلم للتوقير:
[*]اركب الديك وشوف لوين بيوَدِّيك:
[*]اشتغلت بالكفان بطّل حدا يموت:
[*]اكتر من القرد ما مسخ الله:
[*]الأكل مو إلك، بطنك مو إلك؟:
[*]الإيد اللي ما فيك تعضها، بوسها وادعي عليها بالكسر: .
[*]الاعور بين العميان ملك مفتَّح:
[*]البدوي إذا غسّلتو بيموت:
[*]البرطيل بيحلّ دكّة القاضي:
[*]البيت بيت أبونا والناس بيخانقونا:
[*]التكرار بيعلّم الحمار:
[*]الثلم الاعوج من الثور الكبير:
[*]الجرس بيدعي الناس للكنيسة وبيبقى برّا: .
[*]الجمل لو بيشوف حردبتو بيوقع وبيفكّ رقبتو:
[*]الجنة من دون ناس... ما بتنداس:
[*]الحما بابور وبنت الحما إبره:
[*]الفقر بيفوت من الباب والحُب بيهرب من الشباك:
[*]الداخل بالسياسة متل الداخل بتنكة الكناسة:
[*]الدِّيك بيموت وعينو بالمزبلة:
[*]الرجّال حمار مرتو:
[*]المزوج طالع عتال ونازل زبال:
[*]الرجّال ولو كان فحمة، وجوده بالبيت رحمة:
[*]الروم ما بيكسِّر راسو القدّوم:
[*]مرت السكاف حفيانة ومرت الخياط عريانة:
[*]الشرب بالجوع متل الضربة ع الكوع:
[*]الصبر مفتاح الفرج.
[*]العريس اخذ العروس، والمعازيم رجعوا متل التيوس:
[*]الفزع بيطيِّر الوجع:
[*]الفقير بيشوف البيضة بقرة:
[*]القرد بعين إمّو غزال:
[*]الكلب بيقول: يا الله يعيشوا وليداتهم ت آكل من ديَّاتهم، والبسين بيقول: الله يقطع وليداتهم ت اقعد بحضَيناتهم:
[*]اللي بتطَيلعهن السمرا ما بيكفّوها خطوط وحُمرا:
[*]اللي بدّو يناطح ما بيخبّي قرون:
[*]اللي بيأخذ من غير ملتو بيموت بعلتو:
[*]اللي بيبوِّل قدامك وما بتْبوِّل قدامو بيفْتكرَك مرا:
[*]اللي بيفسي بيغطّي ع اللي بيبخِّر:
[*]اللي ما بدو يزوج بنته بيعلي مهرها:
[*]اللي ما فيه لمرتو بيرجع لحماته:
[*]اللي من إيدو، الله يزيدو :
[*]المال بيجرّ المال والقمل بيجرّ السيبان:
[*]المديون حمار الدائن:
[*]المصلح إلو تلتَين القتلة:
[*]المعتَّر لو سِعِد بيموت:
[*]المَيّ والنار ولا حماتي في الدار:
[*]الناس بالناس والقطة بالنفاس:
[*]الناس بدارك والمفتاح بزنارك:
[*]الولد ولد، ولو حكم بلد:
[*]الي شاف مصيبة غيره هانت عليه مصيبته:
[*]بالكرش ولا بالحرش:
[*]بالوج مراية وبالقفا صرماية:
[*]بحبك يا سواري مثل زندي لا:
[*]بحكيكي يا جارة... تا تسمعي يا كنه:
[*]بدّك تبهدل رجّال، فلِّت عليه مرا:
[*]بدّك تبهدل مرا، فلِّت عليها ولد / مرا
تحياتي