فراشة الاحلام
صاحبة الموقـــــــــــع
عدد المساهمات : 1150
تاريخ التسجيل : 18/10/2013
 العمل/الترفيه : أميرة مملكة فراشة الاحلام
 حزين
 |  موضوع: نظام الكمبيوتر "الفصل الثانى من الحاسب الآلى للصف الاول الاعدادى..  الإثنين 9 ديسمبر - 6:05 | |
|
| الفصل الثانى
نظام الكمبيوتر
يعنى إيه كلمة نظام ؟؟؟
لو بصينا فى المدرسة مثلاً هنلاقى إنه لابد
من وجود طلية ، مدرسين ، إداريين ، وكمان ما ننساش الأثاث والمبنى ، يعنى ما ينفعش
تكون مدرسة من غير طلبة أو من غير مدرسين ، فكلهم لابد من وجودهم وكلهم حلقة واحدة
ودا اللى نقصده بالنظام
والكمبيوتر قال إشمعنى يعنى أنا اللى هأكون
من غير نظام ، أنا لازم يتعمل لى نظام ، قلنا له حاضر.بس
لما نعمله نظام ياترى النظام دا هيتكون من
إيه؟؟؟
تعالوا نشوف مع بعض أجزاء أو مكونات نظام
الكمبيوتر :-
1
– الأجهزة
2- البرمجيات
3- العنصر البشرى
4-- البيانات
هنعرف هنا فى هذا الفصل تعريف كل جزء من
الأجزاء السابقة فقط وبإذن الله فى الفصول القادمة هندخل جوة كل تعريف عشان نقرب
أكتر من كل جزء ونعرف كل حاجة عنه بالتفصيل .
أولاً الأجهزة
هى أى جزء من أجزاء الكمبيوتر يمكن أن نلمسه
ثانياً البرمجيات
هى جزء من من البرامج التى تجعل الكمبيوتر
يقوم بمهام معينة .
ثالثاً العنصر البشرى
هو الأشخاص الذين يقومون بالأعمال التالية
إستخدام الكمبيوتر
صيانة الكمبيوتر
تصميم الكمبيوتر
تطوير الكمبيوتر
رابعاً البيانات
هى حقائق مجردة ومنفردة أو جزء من المعلومة
.ولها أنواع ( صوت ، صورة ، حرف ، رقم )
طيب لما البيانات دى بتدخل الكمبيوتر
بيسيبها كدة متفرقة ؟؟
لأ بيحطها فى ملف
فماهو الملف ؟؟
الملف
عبارة عن مجموعة من البيانات لها اسم معين
مش إنت مثلاُ عندك مذكرات وإمتحانات فى
الدراسات والعلوم؟؟ هو ينفع تحطهم مع بعض ومش مترتبين ولما تحتاج تذاكر العلوم
تقعد تدور على ورقه فى وسط الدراسات ، وألا المفروض تحط كل مادة فى دوسيه لوحدها
وكمان تكتب عليه اسم المادة ، إحنا بنعمل كدة فى الكمبيوتر بيانات كل موضوع بتتحط
جوة ملف ونكتب عليها اسمها .
نيجى بقى للتطور اللى عمالين نشوفه فى جهاز
الكمبيوتر ومخلينا كل يوم نشوف حاجة جديدة زى الموبيلات بالظبط ، بنلاقى أنواع
كتيرة منه ،
الكمبيوتر له أنواع كتيرة تعالوا نتكلم عليها
( وما تخافوش مش هتبقى نميمة لما نتكلم عنها )
أنواع الكمبيوتر :-
1-الكمبيوتر الشخصى APC
جهاز كمبيوتر مكتبى صممته شركة اسمها IBM سنة 1981وانتجته شركات كثيرة
ولكنها متوافقة مع IBM أى تعمل على نفس نظام التشغيل .
السعة : معنى السعة إن القرص الصلب أو
الهارد بياخد أد إيه ؟؟
من 40 إلى أكثر من 512 جيجابايت
الكمبيوتر الرئيسى mainframe
جهاز كمبيوتر كبير ويستعمل فى المنظمات
الكبيرة ( هو بيكون مثلاُ بحجم الحجرة وممكن تدخل جواه وتقعد وكأنك داخل غرفة
عادية ولكن فى الحقيقة هو كمبيوتر )
السعة : قدرة عدة آلاف من الكمبيوتر الشخصى
متصلة ببعضها البعض
السرعة : أسرع بكتير من الكمبيوتر الشخصى
التكلفة : أغلى بكتير من الكمبيوتر الشخصى
الكمبيوتر Macintosh
وبنختصره بالحروف التلاتة اللى فى أوله Mac
جهاز مكتبى ولكن له نظام تشغيل مختلف وغير
متوافق مع IBM
السعة : من 40 إلى 120 جيجا بايت
السرعة : من 500 إلى ميجا هيرتز إلى 3
جيجا هيرتز
ناخد بالنا فيه فرق بين ميجا هيرتز وبنرمز لها
بالرمز Mhz و جيجا هيرتز وبنرمز لها بالرمز Ghz
التكلفة : منخفض السعر
الكمبيوتر المحمول Laptop
كمبيوتر محمول وخفيف الوزن عن APC ، Mac ويعمل بالبطارية
السعة من 2 إلى 160 جيجا بايت
السرعة أبطأ من الكمبيوتر المكتبى فهى متوسطة
تصل إلى 3 Ghz
التكلفة : منخفض السعر
الكمبيوتر الخادم أو المركزى Server
من اسمه تعرف إنه هو اللى بيخدمك ، أيوة
بيخدمك لإنه لما بيكون متصل بشبكة هو اللى بيقوم بحفظ الملفات والمعلومات الخاصبة
بك على الشبكة .
السعة أكبر من APC ، أكثر من 300 جيجا بايت
السرعة أسرع من APC
التكلفة أغلى من APC
مساعد البيانات الشخصى Personel
Data Assistant
ونختصره بالرمز PDA
كمبيوتر محمول باليد وصغير الحجم يستعمل لحفظ
المواعيد " للناس المهمين يعنى "
السعة أصغر بكثير من APC
السرعة أبطأ بكثير من APC
التكلفة غالى السعر عند مقارته ب APC
انتهى الفصل الثانى
أسألكم الدعاء |
  | |
|
