صرخه من القلب..

نفسى اصرخ




صرخة تهز قلوب الناس


تزلزل كيان وعقول كل الناس

مش عايزة اصرخ صرخة زى اى صرخة

تتعبنى وازيد هم فوق الـ هم

وصوتى ينبح اكتر واتغم


عايزة ..

يكون لصرختى مفعول جبار

صرخة لما انتهى منها حالى ما يكونش نفس الحال

ابص حوليا الاقى صرختى طبعت على الكون بشكل فعال


كل المشاكل اتحلت

كل الشوارع بالورد اتفرشت

واشوف طريق الفرح فتحلى ابوابه

وبابتسامة بيندهلى وفاتحلى دراعه

الاقى الرضا على جبين كل البشر


نفسى اصرخ وبعلو الصوت



اقول ياااااااااارب

ومن كل قلبى اقولها وانا ع يقين انه سامعنى

سامعنى وراضى عنى

نفسى اصرخ يابشر ..

والاقى الخير طارح ع غصون الشجر

والناس بتقطف وتنعم منه من غير تعب ولا سفر





وفى الشدة كله واحد

والفرح كله واحد

مع بعض على الغريب

مع بعض فى الاحزان

والحب اصبح عنوان كل بيت

لاخصام ولا صد

والفرح مرسوم على الخد




نفسى اصرخ وفى صرختى ينفجر فيا البكا

ويتحول الى اعصار يدمر كل هم معشش فى كل سكة

والحزن فى قلب كل بيت انزاح




ولصرختى بقية ...

كلماتك راقة لى 
دمت بود