مقاتل مصرى

 
الاسم : مقاتل مصرى
العمر : مش متزكر قوى
المهنة: على حدود بلدى ساكن تملى
بتعمل اية: انا واقف بحمى ارضى
وسلاحى تملى صاحى يحمى رمال بلدى
مش خايف؟ إخاف لية انا قلبى ميت وفى الحديد هفوت ياجدع دا انا تربية اسود
فى العسكريه لينا مبدأ الجدع ع الجنه يسبق
امبارح زميلى مات واندفن بين الرمال من سكات وانا دورى اكيد فى يوم جاى
ايه هيحصل أمى هتبكى شوية وابويا هيعيش مصدوم
ومراتى هتبكى تملى لما تبص للسرير وتلاقى بيادة وبدلة بدم غرقانه
وولادى هيحزنو لما يجى فرحهم ومش يلاقونى معاهم زى ما وعتهم
ومراتى هتخاف تظهر دمعها يسألوها مالك معقول تقول مات اللى كان بيحبها
كان امير ساكن قلبها كان حالف يعيش عمرة جنبها
الوقت هينسيهم كتيير وانا فى الجنه هستناهم وهكون ليهم شفيع
سامحونى كلكم مش بايدى سيبتكوا بلدى نادتنى مقدرش اسيبها وحدها
مين يسهر فى عز بردها يدفى بسلاحه ارضها وبالبارود يغطى رملها
امى هتلاقى اللى يواسيها
وابويا هيلاقى فى دهرة اخويا
ومراتى أولادى عن الدنيا هيغنوها
لكن بلدى مفيش حد هيحميها وانا اكتر واحد اعرف اية ال بيرضيها
ما انا البحر اللى بترمى سرها فيه وانا القلب اللى تتشكى ليه همها
وانا وقت الخطر الجندى اللى بتحتمى فيه
انا الحيطة اللى لووقعت تنسند عليها وعمرها ما تميل
امضاء: مقاتل فتحى السبعاوى

يسلمووووووووووووو حلوه كثير