حسبى الله فيك يافخرى

ارشادات عامه للمذاكره


النصائح العشرون في مذاكرة الأولاد. .
1. لا تضغط على أعصاب الأولاد حتى لا يكرهوا التعليم
2. لا تضغط على اعصابك حتى لا تكره الأولاد والعيش والعيشة واللي عايشينها
3. ابدأ بالمواد السهلة المحببة إلى قلبك وقلب الأولاد ..إن وجدت.
4. لا تضغط على اعصابك
5. المشاركة الزوجية مهمة في كل شيء إلا في المذاكرة عشان الزوج ممكن يدمر ال 5% معلومات اللي موجودة في دماغ العيال
6. لا تضغط على اعصابك
7. المذاكرة في مكان مفتوح وهادي أفضل عشان تصوتي براحتك
8. الاستعداد الطبي من أدوية ضغط ومرارة وسكر وقولون وكذلك مطهرات وشاش وبلاستر ..حقنة السعار مهمة في حالة كنت من هواة العض
9. إزالة كل الطقاطيق والفازات والانتيكات غالية الثمن..عشان ما يبقا موت وخراب ديار
10.لا تضغط على اعصابك
11. امنعي عن الاولاد التليفونات والتليفزيون واللاب توب والموبايلات...الأكسجين أن أمكن
12.لا تضغط على اعصابك
13. تذكر دائما أن العلم في الرأس مش في الكراس
14. خللي الأولاد يناموا بدري
15. لا تضغط على اعصابك
16. تجنب الشباشب الصلبة أو الخشبية..عشان العلاج ما يعديش 21 يوم..وتقلب جنحة وبتاع
17. تذكر دائما أن المخ له فصين فقط مش يوستفاندياية. .المذاكرة لأكثر من طفل أكثر من مادة في نفس الوقت مستحيل علميا
18.لا تضغط على اعصابك
19. تذكر ان النجاح في التعليم لا يعني النجاح في الحياة ..افتكر اينشتاين ..ووزير الداخلية
20.واخيرا لا تضغط على اعصابك. .
وحسبي الله ونعم الوكيل فيك يا فخريييي

ههههههههههههههههههههههههههههه
دى مذاكره ولا حرب
واللهِ ياأشرف عندك حق
التعليم أصبح صداع العصر
خصوصا" الدروس الخصوصيه
وما أدارك ماالدروس الخصوصيه هو ده خراب البيوت بعينه
وحسبى الله ونعمه الوكيل

ميرسى ياأشرف على الطرح الآكثر من رااائع
لا تحرمنا جديدك 
لك ودى وعبق زهرى 
فراشة ألاحلام
فى رع8اية الله